သီးစုံရေခဲမုန့်တွေ ဈေးကျနေတဲ့ ရက်တွေတုန်းကပေါ့ ။ အသက် ဆယ်နှစ်အ ရွယ်ကောင်လေး တစ်ယောက်က ဟော်တယ်တစ်ခုရဲ့ ကော်ဖီဆိုင်ထဲ ၀င်လာပြီး စားပွဲတစ်ခုမှာ ထိုင်လိုက်တယ် ။ စားပွဲထိုးအမျိုးသမီးက ကောင်လေးရှေ့မှာ ရေတစ်ခွက်လာချပေးတယ် ။
“ သီးစုံရေခဲမုန့်တစ်ခွက်ဘယ်လောက်လဲဟင် ”
“ ငါးဆယ်ကျပ် ” စားပွဲထိုးအမျိုးသမီးက ပြန်ဖြေတယ် ။
ကောင်လေးက သူ့အိပ်ထဲကို လက်နှိုက်ပြီး ပိုက်ဆံကို ရေတွက်ကြည့်တယ် ။
“ ရိုးရို ရေခဲမုန့်တစ်ခွက်ကရော ဘယ်လောက်ကျလဲဟင် ” ကောင်လေးက ထပ်မေးတယ် ။ လူအချို့ကလည်း စားပွဲ တွေမှာ စားစရာလာချပေးဖို့မျှော်နေတဲ့အတွက် စားပွဲထိုးအမျိုးသမီးက စိတ်မရှည်တော့ဘူး ။
“ သုံးဆယ့်ငါးကျပ် ” လို့ ခပ်မာမာ တုံးတိတိပြန်ပြောလိုက်တယ် ။
ကောင်လေးက ပိုက်ဆံတွေကို ထပ်မံရေတွက်လိုက်ပြီး ပြောတယ် ။ “ ကျွန်တော့်ကို ရိုးရိုးရေခဲမုန့်တစ်ခွက်ပေးပါ ”
စားပွဲထိုးအမျိုးသမီးက ရေခဲမုန့်လာချပေးတယ် ။ ကျသင့်ငွေစာရွက်ကို စားပွဲပေါ်တင်ပြီး ထွက်သွားတယ် ။ ကောင်လေးက ရေခဲမုန့်စားပြီးတဲ့အခါ ငွေရှင်းကောင်တာမှာ ငွေရှင်းပြီးထွက်ခွာသွားတယ် ။
စားပွဲထိုးအမျိုးသမီးဟာ ပြန်လာပြီး စားပွဲခုံကို သုတ်ခဲ့တယ် ။ အဲဒီအခါ မြင်လိုက်ရတဲ့အရာကြောင့် အရမ်းကို အံ့သြသွား ခဲ့ရတယ် ။
ရေခဲမုန့်ခွက်ကလေးရဲ့အောက်မှာ ပိုက်ဆံဆယ့်ငါးကျပ်ကို သူမအတွက် ဘောက်ဆူးအနေနဲ့ထားခဲ့လို့ပါပဲ ။
@@@@@@@@@@@@@@@@@@@@@@
တကယ်တော့ကောင်လေးက သီးစုံရေခဲမုန့်တစ်ခွက်စာ ငွေငါးဆယ်ပါလာပါတယ် ။ ဒါပေမယ့် စားပွဲထိုး အမျိုးသမီးအတွက် ငွေဆယ့်ငါးကျပ် ဘောက်ဆူးပေးခဲ့ချင်လို့ ရိုးရိုးရေခဲမုန့် ၃၅ ကျပ်တန် သာစား ခဲ့ခြင်းဖြစ်တယ်။ ဒါကို စားပွဲထိုးအမျိုးသမီးက ကောင်လေးကို စိတ်မရှည်စွာနဲ့ရင့်သီးစွာဆက် ဆံခဲ့တယ် ။
အပြင်ပန်းကို ကြည့်ပြီး လူတစ်ယောက်ကို အကဲမဖြတ်ပါနဲ့ ။ မဆက်ဆံပါနဲ့ ။
သက်တန့်ချို
A dish of ice cream အားဘာသာပြန်သည် ။
No comments:
Post a Comment
ကျေးဇူးပြု၍ တစ်ခုခု ပြောပေးသွားပါ...